Connect with us

ចំណេះដឹងទូទៅ

នៅសុខៗកើតមានអារម្មណ៍ខ្ជិលមែនទេ? វិធីទាំង ៥ យ៉ាងនេះជាគន្លឹះដោះស្រាយភាពខ្ជិលច្រអូសបានយ៉ាងប្រសើរ!

រាជធានីភ្នំពេញ ៖ ប្រាកដណាស់ដែលថា មនុស្សមួយចំនួនប្រហែលជាអាចជួបប្រទះរួចមកហើយនូវអារម្មណ៍ខ្ជិល អារម្មណ៍អស់កម្លាំង និងមានអាការៈល្វើយនៅក្នុងខ្លួន ជាហេតុបណ្តាលឲ្យមនុស្សទាំងនោះមិនអាចបំពេញការងារបានល្អ។ ខាងក្រោមនេះជាគន្លឹះមួយចំនួនដែលអាចជួយកាត់បន្ថយភាពខ្ជិលបានយ៉ាងប្រសើរ៖

១. គេងឲ្យបានគ្រប់គ្រាន់ ៖ ពិតណាស់ មនុស្សមួយចំនួនអាចនឹងមើលរំលងអំពីបញ្ហាមួយនេះ ប៉ុន្តែការគេងឲ្យបានគ្រប់គ្រាន់នាពេលយប់ នឹងធ្វើឲ្យអ្នកមានអារម្មណ៍ល្អនៅពេលដែលចាប់ផ្តើមថ្ងៃថ្មី ពេលនោះអារម្មណ៍ខ្ជិល ឬភាពល្វើយនៅក្នុងខ្លួនក៏នឹងសឹងតែកម្រកើតមានផងដែរ។

២. ចាប់ផ្តើមគិត​អំពី​សារប្រយោជន៍ពីអ្វីដែលអ្នកកំពុងធ្វើ ៖ អារម្មណ៍​គិត​ពី​ភាព​លំបាក​ ស្មុគ​​ស្មាញ​​​នឹង​នាំ​ឲ្យ​​អ្នក​មាន​អារម្មណ៍​ខ្ជិល​ធ្វើ​ការ​កាន់​តែ​ខ្លាំង។ ផ្ទុយ​ទៅ​វិញ​ ការ​គិត​អំពី​ប្រយោជន៍​នៃ​ការងារ​ សម្មាធិ​ តាំង​អារម្មណ៍​​ផ្ដោត​លើ​ការងារ នោះ​​អារម្មណ៍​ខ្ជិល​ច្រអូស​របស់​អ្នក​នឹង​បាត់បង់។

៣. ត្រូវផ្ដោត​លើ​កិច្ចការ​មួយ​ៗ កុំ​គិត​នាំមានបញ្ហា​ច្រើន​ ៖ ប្រសិន​បើ​អ្នក​មាន​អារម្មណ៍​ថា​មាន​ការងារ​ច្រើន​ត្រូវ​ធ្វើ​នោះ​ ភាព​ខ្ជិល​នឹង​កើត​មាន​ច្រើន​ទៅ​តាម​នោះ​ដែរ។ ព្យាយាម​ធ្វើ​ ផ្ដោត​សំខាន់​លើ​ការងារ​មួយៗ នោះ​អ្នក​នឹង​ជម្នះ​ខ្លួន​ឯង​​លើ​​ភាព​ខ្ជិល​បាន។

៤. កុំបង្កើតលេស​ ឬការ​ពន្យារពេល ៖ ​រំលឹក​ខ្លួន​ឯង​ថា អ្នក​អាច​ធ្វើ​បាន​​ជា​និច្ច។ ហេតុ​អ្វី​ដែល​​មិន​អាច​ធ្វើ​វា​ក្នុង​ពេល​ឥលូវ​​បាន? តើ​គួរ​ទុក​វា​ជា​បញ្ហា​​ក្នុង​ចិត្ត​ទៀត​ឬ? ជម្នះ​អារម្មណ៍​ពន្យារពេល​កិច្ច​ការងារ នោះ​អ្នក​នឹង​ចាក​ឆ្ងាយ​ពី​ឬស​គល់​នៃ​ភាព​ខ្ជិល​ច្រអូស​​លើ​ការងារ។

៥. គួរតែសម្លឹង​មើល​​ និង​រៀន​ពី​​​បុគ្គល​​ជោគជ័យ​ជុំ​វិញ​អ្នក​​​ ៖ ស្វែង​យល់​ពី​បុគ្គល​ជោគ​ជ័យ ក្នុង​ពិភព​លោក​ដែល​ពួក​​គេ​ទាំង​នោះ​ មិន​មាន​​ខ្ជិល​ច្រអូស​​ឡើយ​ក្នុង​កិច្ច​ការងារ​​របស់​ពួក​គេ។ អ្នក​អាច​​សម្លឹង​​​មើល​ការងារ​អ្នក​នៅ​ក្បែរ​ខ្លួន​អ្នក​​ក៏​បាន ទម្លាប់​ធ្វើ​ការងារ​របស់​បុគ្គលិក​ឆ្នើម​​លេច​ធ្លោ​ក្នុង​ក្រុមហ៊ុន​ អ្នក​គ្រប់​គ្រង​ ​ប្រធាន​ក្រុមហ៊ុន។ សកម្មភាព​នេះ​អាច​ក្លាយ​ជា​ការ​ជំរុញ​ទឹក​ចិត្ត​អ្នក​ឃ្លាត​ឆ្ងាយ​ពី​ទម្លាប់​ខ្ជិល​ក្នុង​ការងារ​បាន​៕

Advertisement