Connect with us

ព័ត៌មានកីឡា

ក្លិបលោក Keisuke Honda តែងតាំងលោក អ៊ុក សុធី ជាគ្រូបង្វឹកថ្មី

ក្លិបបាល់ទាត់សូលទីឡូអង្គរ ដែល​មាន​អ្នក​ចាត់​ការ​ទូ​ទៅ​ក្រុម​ជម្រើស​ជាតិ​កម្ពុជា លោក Keisuke Honda ជា​ប្រ​ធាន​ក្លិប នៅ​រសៀល​ថ្ងៃ​ទី​៨ ខែ​កក្កដា​នេះ បាន​ប្រ​កាស​លោក អ៊ុក សុធី គ្រូ​ជំ​នួយ​ក្រុម​ជម្រើស​ជាតិ​កម្ពុជា គឺ​ជា​គ្រូ​បង្វឹក​ថ្មី ដើម្បី​ដឹក​នាំ​ក្រុម​បន្ដ​ក្នុង​រដូវ​កាល​ឆ្នាំ​២០២១ ជំ​នួស​កៅ​អី​គ្រូ​បង្វឹក​សញ្ជាតិ​អង់​គ្លេស​លោក Darren Pomroy (Charlie) ដែល​ត្រូវ​បាន​ក្លិប​ប្រ​កាស​ចែក​ផ្លូវ​គ្នា កាល​ពី​ចុង​សប្ដាហ៍​មុន ។
May be an image of 2 people, people standing and indoor
នេះគឺជាលើកដំបូងហើយ ដែលលោក អ៊ុក សុធី ក្លាយ​ជា​គ្រូ​បង្វឹក​ក្លិប​សមា​ជិក​លីគ​កំ​ពូល​កម្ពុជា ក្រោយ​ចូល​និវត្តន៍​ពី​អា​ជីព​កី​ឡា​ករ កាល​ពី​ចុង​ឆ្នាំ​២០១៩ ។ ប៉ុន្ដែ​មុន​ត្រូវបាន​តែង​តាំង​គ្រូបង្វឹក​ថ្មី​ក្លិបសូលទីឡូអង្គរ អតីតកីឡាករក្លិបភ្នំពេញក្រោន ដែលគេឲ្យរហស្សនាមថា “Messi ភ្នំពេញក្រោន” រូបនេះ ក៏បានធ្វើការងារមួយរយៈជាមួយលោក Keisuke Honda ក្នុងការប្រកួតជម្រុះពានរង្វាន់ FIFA World Cup 2022 នៅប្រទេសបារ៉ែន កាលពីថ្មីៗផងដែរ ។May be an image of 7 people, people standing and outdoors
លោក អ៊ុក សុធី គឺជាអតីតកីឡាករមាន​បទពិសោធជោគជាំ​លើទី​លាន​ម្នាក់ ក្រោយ​ចំណាយពេលជិត ១ ទសវត្សរ៍ ជាមួយក្លិបភ្នំពេញក្រោន ចាប់​ពី​ឆ្នាំ២០១១ រហូតដល់ឆ្នាំ២០១៩ ។ លោកធ្លាប់​រួម​ចំ​ណែក​ជួយ​ក្រុម​សិង្ហ​ក្រហមនេះ គ្រងជើងឯកលីគកំពូលកម្ពុជា ២លើកជាប់គ្នា កាល​ពីឆ្នាំ២០១៤ និងឆ្នាំ២០១៥ ហើយ​ធ្លាប់​ជួយ​ក្រុម​ឆ្លង​ចូល​វគ្គ​ជម្រុះ​ជុំ​ចុង​ក្រោយ នៃពានរង្វាន់ AFC President Cup 2012 ទៀតផង ៕May be an image of 3 people, people standing and outdoors

Advertisement