Connect with us

ព័ត៌មានកីឡា

​លោក Felix G. Dalmas បញ្ជាក់ថាក្រុមកម្ពុជាចាប់ផ្តើមលេងល្អនៅតំបន់ប្រយុទ្ធហើយ

ភ្នំពេញ​៖ បន្ទាប់​ពី​ក្រុម​ជម្រើសជាតិ​កម្ពុជា​បាន​ប្រកួត​មិត្តភាព​ជាមួយនឹង​ក្រុម​ជម្រើសជាតិ​ម៉ុង​ហ្គោ​លី កាលពី​ថ្ងៃ​ទី​១៤ ខែវិច្ឆិកា ឆ្នាំ​២០១៩ ដោយ​បញ្ចប់​ត្រឹម​លទ្ធផល​ស្មើរ​គ្នា ១​ទល់​នឹង​១​។

ក្រោយ​បញ្ចប់​ការ​ប្រកួត​លោក Felix G. Dalmas ដែល​ជា​គ្រូបង្វឹក​ក្រុម​ជម្រើសជាតិ​កម្ពុជា បាន​បង្ហាញ​នៅ ចំណាប់អារម្មណ៍​របស់​ខ្លួន​ថា “​ការ​ប្រកួត​ថ្ងៃនេះ គឺ​ដូច​អ្វី​ដែល​យើង​បាន​គ្រោងទុក​ហើយ យើង​បាន​អភិវឌ្ឍន៍​ខ្លួន​បាន​ល្អ​ជាង​មុន និង​មាន​ចំនុច​ល្អ​ៗ​ច្រើន​”​។

ក្នុង​នោះ​ដែរ លោក​បាន​បន្ត​ទៀត​ថា “​វា​ជា​បទ​ពិសោធន៍​ល្អ មួយ​សម្រាប់​យើង​នៅ​ក្នុង​ការ​ប្រកួត​នេះ ហើយ​ធ្វើ​បាន​ល្អ​ក្នុង ការ​ប្រយុទ្ធ និង​ប​ញ្ចូ​ន​បាល់​ជា​ពិសេស​នៅ​ចុង​ម៉ោង​ក្នុង​តង់ ទី​២​។ យើង​ត្រូវ​រៀបចំ​អោយ​បាន​ល្អ​ជាង​នេះ​មុន​ពេល​ប៉ះ​ជា មួយ​ហុងកុង ប៉ុន្តែ​យើង​បានដឹង​ពី​របៀប​លេង​របស់​ពួក​គេ​ដែរ ដូច្នេះ​យើង​ត្រូវ​រក​ដំណោះស្រាយ ដើម្បី​បំបែក​ក្បួន​របស់​ពួក​គេ​”​។ លោក​បន្ថែម​ទៀត​ថា “​សូម​អរគុណ​ដល់​អ្នក​គ្រាំ​ទ្រ​កម្ពុជា​ទាំងអស់​ដែល​បាន​មក​គាំទ្រ​ពួក​យើង​នៅ​ថ្ងៃនេះ បើ​ទោះបី​ទើបតែ​បញ្ចប់​ព្រះរាជ​ពិធី បុណ្យអុំទូក និង​ជា​ថ្ងៃ​ធ្វើការ​ក៏​ដោយ​”៕

Advertisement