Connect with us

ព័ត៌មានជាតិ

ដំណឹងល្អ!! ប្រជាជនខ្មែរនឹងឃើញដំណក់ប្រេងដំបូង នៅដើមឆ្នាំ២០២០

ភ្នំពេញ​៖ នៅ​ថ្ងៃ​ទី​១៥ ខែវិច្ឆិកា ឆ្នាំ​២០១៩ ជា​ថ្ងៃ​ដែល​ក្រុមហ៊ុន​គ្រី​ស​អែន​នី​ជី (KrisEnergy) របស់​ប្រទេស​សិង្ហ​បុរី បាន​ធ្វើការ​ចុះ​កិច្ចសន្យា​សាងសង់​ផ្លា​ត​ហ្វ​ម​បូម​ប្រេង សម្រាប់​តំបន់​ប្រេង​អប្សរា​។ ហើយ​ការ​បូម​ប្រេង​នេះ នឹង​ចាប់ផ្តើម​នៅ​ឆមាស​ទី​១ ឆ្នាំ​២០២០​ដែល​ខិត​ជិត​មក​ដល់ នា​ពេល​ខាង​មុខ​នេះ​។

នេះ​បើ​តាម​ការ​បញ្ជាក់​របស់​ក្រុមហ៊ុន​បានអោយ​ដឹង​ថា “​ប្រេង​ពី​តំបន់​អប្សរា​ត្រូវ​បាន​គ្រោង​នឹង​ផលិត​ក្នុង​ឆមាស​ទី​១ ឆ្នាំ​២០២០ ហើយ​តំបន់​នេះ​ត្រូវ​បាន​រំពឹង​ទុក​ថា នឹង​ឈាន​ដល់​អត្រា​ផលិតកម្ម​ខ្ពស់​បំផុត​៧៥០០​បារ៉ែល​ក្នុង​១​ថ្ងៃ​”​។

ហើយ​បើ​តាម​រយៈ​ឯកឧត្តម ស៊ុ​យ សែ​ម ​រដ្ឋ​ម​ន្ត្រី​ក្រសួង​រ៉ែ បាន​បញ្ជាក់​បន្ថែម​ថា “​ទន្ទឹម​នឹង​ច្បាប់​ប្រេងកាត ដែល​ទើបបាន​អនុម័ត និង​ដាក់​ឲ្យ​ប្រើប្រាស់​នា​ពេល​ថ្មី​ៗ​នេះ យើង​មាន​គម្រោង​ប្រេងកាត​ប្លុក (A) ដែល​វិនិយោគ​ដោយ​ក្រុមហ៊ុន​គ្រី​ស​អែន​នី​ជី (KrisEnergy) មក​ពី​ប្រទេស​សិង្ហ​បុរី កំពុង​ស្ថិត​ក្នុង​ដំណាក់កាល​អភិវឌ្ឍន៍ និង​ផលិតកម្ម​។ តាម​ផែនការ​របស់​ក្រុមហ៊ុន កម្ពុជា​នឹង​ផលិត​ដំណក់​ប្រេង​ទី​មួយ​របស់​យើង ក្នុង​ពេល​ដ៏​ខ្លី​ខាង​មុខ​នេះ​”៕

Advertisement