Connect with us

តារាជាតិ

លោក អ៊ឹម ជីវ៉ា៖ ខ្ញុំ​មិន​ចេះ​ខ្លាច​ឬ​ព្រឺរោម​រឿង​ប្តឹង​របស់​លោក ហេង​ឡុ​ង​ឡើយ ..!

ហ្វេ​ស​ប៊ុ​ក​៖ ក្រោយ​លោក ហេង ឡុ​ង ប្រកាស​ទុក​ពេល ២៤​ម៉ោង អោយ​លោក អ៊ឹម ជីវ៉ា បង្ហាញ​ភស្តុ​តាង នឹង​សុំ​ទោស​នៅ​អ្វី​ដែល ខ្លួន​បាន​និយាយ មុន​ពេល​ដែល​មេធាវី​របស់​លោក​ប្តឹង​។ ស្រាប់ តែ​មុន​នេះ​តាម​រយៈ​ផេ​ក​ហ្វេ​ស​ប៊ុ​ក សិល្បករ​កម្ពុជា របស់​លោ អ៊ឹម ជីវ៉ា បាន​ធ្វើការ​បង្ហោះ​ថា “​ខ្ញុំ​ចង់​ប្រាប់​ទៅ​លោក ហេង ឡុ​ង ថា មិនបាច់​អោយ​ដល់​២៤​ម៉ោង​ទេ គោល​ជំហរ​របស់ខ្ញុំ ខ្ញុំ​មិន​សុំ​ទោស​លោក​ឯង​ជា​ដាច់ខាត បើ​លោក​ឯង​ប្តឹង ប្តឹង​ទៅ​សូម​អញ្ជើញ ខ្ញុំ​ស្វាគមន៍​ជា​និច្ច​! ខ្ញុំ​អោយ​លោក​ឯង​បំភ្លឺ​៩​ចំនុច បើ​លោក​ឯង​បំភ្លឺ​បាន​មិន​បានជា​សិទ្ធ​លោក​ឯង​ជា​ប្រធាន​សមាគម ឬ​លោក​ឯង​មិន​ហ៊ាន​បកស្រាយ? អី​ក៏​អស្ចារ្យ​ម្លេះ​លោក​! ខ្ញុំ​អោយ​លោក​ឯង​បកស្រាយ​បំភ្លឺ បែ​ជា​ប្តឹង​ខ្ញុំ ?​? សូម​អោយ​បងប្អូន​មហាជន​ជួយ​ពិចារណា​ដោយ​ការ​គួរ​ផង​!

សូម​បញ្ជាក់​ថា ខ្ញុំ​មិន​ចេះ​ខ្លាច​ឬ​ព្រឺរោម​រឿង​ប្តឹង​របស់​លោក ហេង​ឡុ​ង​ឡើយ ..! ខ្ញុំ​ជា​អ្នកក្រ ប្រវត្តិ​ជា​ក្មេង​វត្ត​នាគ​វ័​ន្ត រស់​ដោយសា​បាយបាត្រ​ព្រោះ​ព្រះសង្ឃ​វត្ត​នាគ​វ័​ន្ត​បាន​ទូន្មាន​ខ្ញុំ​ថា កើតជា​មនុស្ស ត្រូវ​មានគុណ​ធម៌ កុំ​ខ្លាច​ការ​ពិត កុំ​ខ្លាច​អំពើអាក្រក់ ។
ខ្ញុំ​ក៏​មាន​មេធាវី​ការពារ​ក្តី​អ្នក​ក្រីក្រ​ដើម្បី​ការពារ​ក្តី​សិល្បៈ​ក្រីក្រ​ដូច​ជា​ខ្ញុំ​ដែរ ខ្ញុំ​នឹង​ប្តឹង​បក​លោក​វិញ​ដែរ លោក​ចាំ​ទទួល​វិញ​ទៅ ហេង ឡុ​ង បើ​លេង​កុំ​ខឹង បើ​ខឹង​កុំ​លេង ។

ជិត​ដល់​២៤​ម៉ោង​គេ​ប្តឹង​ខ្ញុំ​ហើយ​.. ខ្ញុំ​ខ្លាច​ណាស់​លោក​អើយ … បងប្អូន​អើយ​ខ្ញុំ​ហូប​បាយ​មិន​ចូល​ទេ កំពុង​ដេក​ភ័យ​… បងប្អូន​ណា​ចិត្តល្អ​សុំ​ស្រា​បៀ​មួយ​កេះ​មក​ទុក​ផឹក ….​ដោយ​ក្តី​គោរព​អំពីខ្ញុំ​បាទៈ អុ​ឹ​ម ជីវ៉ា​”៕

Advertisement