ទឹកជ្រោះថ្មីមួយកន្លែងទៀត កំពុងសម្ងំលាក់សម្រស់នៅក្នុងទឹកដីខេត្តកោះកុង

ទឹកជ្រោះ តាចាត ស្ថិតនៅក្នុងប្រភេទ៖ ទឹកជ្រោះឬទឹកធ្លាក់, ទេសចរណ៍ធម្មជាតិ។ រីឯចំណុចសំខាន់ៗនៅ ទឹកជ្រោះ តាចាត មានដូចជា៖ លេងទឹកឬហែលទឹក, ទស្សនាទេសភាពព្រៃភ្នំ, រៀបចំអាហារដោយខ្លួនឯង និងចំណុចផ្សេងៗទៀត។

ទឹកជ្រោះតាចាត ជារមណីយដ្ឋានធម្មជាតិថ្មីមួយកំពុងជាទីពេញនិយមសម្រាប់ភ្ញៀវជាតិ និងអន្តរជាតិយ៉ាងច្រើនកុះករ។ ទឹកជ្រោះតាចាតមានទឹកហូរថ្លាគួរឲ្យចង់មុជលេងកម្សាន្ត អមជាមួយទេសភាពស្រស់ត្រកាលជុំវិញដោយព្រៃប្រឹក្សាធម្មជាតិពណ៍បៃតង។ ទន្ទឹម​នឹង​នេះ ក៏​មាន​ព្រៃ​ឈើ​តូច-ធំ ក្រាស់​ក្រែល ដែល​បង្កើត​ជា​បរិយាកាស​ខ្យល់​បរិសុទ្ធ គួរ​ជាទី​សម្រាក​លំហែលំហើយ​ នា​ថ្ងៃ​ឈប់​សម្រាក​ បាន​យ៉ាង​ល្អ។

ភ្ញៀវ​ទេសចរ​ក៏​អាច​វេច​ខ្ចប់​អាហារ​ខ្លួន​ឯង​មក​ញាំ​ក៏​បាន ឬ​កុម្ម៉ង់​ម្ហូប​នៅ​ក្នុង​បរិវេណ​រមណីយដ្ឋាន​ក៏​បាន ដោយ​មាន​តម្លៃ​សមរម្យ។ ចំពោះ​តម្លៃ​វិញ គឺ​ម៉ូតូ​ ១គ្រឿង ២០០០ រៀល ឯ​ឡាន​ ៣០០០ រៀល ដែល​តម្រូវ​ឲ្យ​បង់​ទៅ​​ក្រុម​សហគមន៍៕