Connect with us

ព័ត៌មានជាតិ

ភ្នំខ្នងព្រះ គោលដៅទេសចរណ៍បែបផ្សងព្រេងថ្មី នៅលើទឹកដីខេត្តពោធិ៍សាត់

ភ្នំខ្នងព្រះ ជាគោលដៅទេសចរណ៍បែបផ្សងព្រេងថ្មីលើទឹកដីខេត្តពោធិ៍សាត់ កំពុងតែទាក់ទាញភ្ញៀវទេស ចរឲ្យចង់ដឹងចង់ស្គាល់ពីសក្កានុពល សម្រស់ដ៏ស្រស់ត្រកាលនៃតំបន់ទេសចរណ៍ធម្មជាតិ ដែលមានទេសភាពស្អាត មានព្រៃឈើតូចធំ ខៀវស្រងាត់អមដោយផ្កាព្រៃចម្រុះពណ៌ និងមានជីវៈចម្រុះជាច្រើនអនេក។May be an image of mountain and nature

ភ្នំខ្នងព្រះ ជាតំបន់អេកូទេស ចរណ៍ថ្មីហើយល្បី កំពុងឆក់យកបេះដូងភ្ញៀវទេសចរយ៉ាងខ្លាំងជាពិសេសអ្នកទេសចរដែលនិយមធ្វើដំណើរផ្សង ព្រេងដោយសារទីនោះ មានផ្ទាំងថ្មដែលជាថ្មភ្នំធម្មជាតិដ៏ស្រស់ស្អាត មានព្រៃព្រឹក្សាខៀវស្រងាត់ ជាមួយនឹងភ្នំល្វឹងល្វើយអមដោយផ្កាព្រៃ ចម្រុះពណ៌ដែលពេញនិយមបំផុតសម្រាប់ភ្ញៀវទេសចរឡើងភ្នំបោះតង់ សម្រាកលម្ហែកាយស្រូបយកខ្យល់អាកាសបរិសុទ្ធ គយគន់ធម្មជាតិព្រៃភ្នំ និង ស្តាប់សំឡេងសត្វយំប្រគំជាបទភ្លេង រំសាយអារម្មណ៍ បាត់អស់ទុក្ខកង្វល់។

ពេលឡើងដល់កំពូលភ្នំហើយអ្នកទេស ចរអាចអង្គុយមើលទេសភាពពីលើកំពូលភ្នំឃើញខេត្តពោធិ៍ សាត់ទាំងមូល និងផ្លូវកាច់កោងគួរឱ្យទាក់ទាញនៃភ្នំ ១៥០០លើសពីនោះនៅព្រឹកព្រលឹមអ្នកទេសចរអាចអង្គុយមើលថ្ងៃរះពីលើកំពូល ភ្នំហើយនៅពេលថ្ងៃអាចដើរ កម្សាន្តថតរូបទុកជាអនុស្សាវ រីយ៍ រីឯពេលរាត្រីអាចដុតភ្លើងអង្គុយមុខតង់មើលផ្កាយរះយ៉ាងប្លែកភ្នែកទៀតផង។May be an image of mountain and nature

លើសពីនេះទៅទៀត ពេលឡើងទៅលើ យើងអាចមើលឃើញទេសភាពទៅខេត្តត្រាតប្រទេសថៃមើលថ្ងៃលិចនិងថ្ងៃរះចឹងយើងមើលឃើញថ្ងៃរះនិងថ្ងៃលិចព្រោះអាហ្នឹងជាភ្នំ ១៥០០ដែលខ្ពស់ជាងគេ៕May be an image of mountain, nature and tree

រូបភាព: onepixture

Advertisement