Connect with us

តារាជាតិ

អ្នក​នាង ច​ន ច័ន្ទ​លក្ខណា ប្រកាសដើរចេញអោយ​ផុត​ពី​ពិភព​សិល្បៈ​នេះ​ដើម្បី​កុំអោយ​អ្នកសិល្បៈ​ត្រូវ​គេ​មើលងាយមើលថោក​ដោយសារ​គាត់

ហ្វេ​ស​ប៊ុ​ក​៖ នៅ​មួយ​រយៈ​ចុង​ក្រោយ​នេះ គឺ​មានរឿង​រ៉ាវ​ច្រើន បាន​ផ្ទុះ​ឡើង​រវាង​លោក ហេង ឡុ​ង នឹង​លោក អ៊ឹម ជីវ៉ា បាន​ធ្វើ​អោយ​មានការ​តាមដាន​យ៉ាង​ខ្លាំង​អំពី​សំណាក់​ប្រិ​យ​មិត្ត​។ ក្នុង​នោះ​លោក អ៊ឹម ជីវ៉ា ក៏​បាន​ភ្ជាប់​ឈ្មោះ​របស់ អ្នក​នាង ច​ន ច័ន្ទ​ល​ក្ខិ​ណា នា​ពេល​កន្លង​មក​ផង​ដែរ ចំពោះ​បញ្ហា​ជម្លោះ​នោះ​។ ប៉ុន្តែ​អ្នក​នាង ច​ន ច័ន្ទ​លក្ខណា មិន​ដែល​មាន​ប្រតិកម្ម​អ្វី​ទាំងអស់​ឆ្លើយ​តប​ទៅ​នឹង​លោក អ៊ឹម ជីវ៉ា​។

ប៉ុន្តែ​ស្រាប់តែ​ពេល​នេះ អ្នក​នាង បាន​បង្ហោះ​នៅ​ក្នុង​បណ្តាញ សង្គម​ហ្វេ​ស​ប៊ុ​កថា “​សំរាប់​ខ្ញុំ ខ្ញុំ​មិន​ថ្លៃថ្នូរ មិន​មានកេរ្តិ៍ឈ្មោះ​ល្អ មិន​មាន​តំលៃ​និង​ហ៊ាន​និយាយ​សាង​ភាព​ថ្លៃថ្នូរ​អោយ​អ្នកសិល្បៈ​ទេ ដូច្នេះ​ខ្ញុំ​និង​ដើរ​ចេញ​អោយ​ផុត​ពី​ពិភព​សិល្បៈ​នេះ​ដើម្បី​កុំអោយ​អ្នកសិល្បៈ​ត្រូវ​គេ​មើលងាយមើលថោក​ដោយសារ​ខ្ញុំ ។

ខ្ញុំ​បាន​ប្រកាស​ឈប់​ពី​ការងារ​សិល្បៈ​រយះ​ពេល​ជាង​2 ឆ្នាំ​ហើយ នៅ​សល់​រូបភាព​សម្តែង​កាលពី​2​ឆ្នាំ​មុន​ដែល​មិន​ទាន់​បាន​បញ្ចាំង និង ផ្សាយ ហើយ រាល់​ថ្ងៃនេះ​ខ្ញុំ​នៅ​តែ​ធ្វើ​ការងារ​តាម​តួនាទី​និង​មុខងារ​របស់ខ្ញុំ​ទេ ចប់​តួនាទី​គឺ​ខ្ញុំ​និង​លែង​មានឈ្មោះ​ជា​អ្នកសិល្បៈ​ទៀត​ឡើយ​។

បញ្ជាក់ : ខ្ញុំ​មិន​ថ្លៃថ្នូរ​ទេ តែ​ក៏​មិន​ដែល​យកប្តី​គេ​ដែរ ទោះ​ខ្ញុំ​មានឈ្មោះ​ជា​ស្រី​អាក្រក់ ថោកទាប​ក៏​ដោយ​ក៏​អត់​ដែល​ធ្វើ​អោយ​មនុស្ស​ស្រី​ដូច​គ្នា​មក​ស្រែកយំ​ដោយ​ភាព​ឈឺចាប់​ក្នុង​ការ​បាត់បង់​ប្តី សូ​ម្បី​ម្តង​”៕

Advertisement