Connect with us

ព័ត៌មានជាតិ

លោក Felix និយាយថា “មិន​មាន​មនុស្ស​ច្រើន​ទេ​ដែល​ជឿ​ថាកម្ពុជាអាច​ឡើង​មក​ដល់​វគ្គ​នេះ ហើយ​សម្រាប់​ការ​ប្រកួត​ថ្ងៃស្អែក​នេះ​ក៏​ដូច​គ្នា​ដែរ អ្វី​ៗ​ក៏​អាច​ទៅ​រួច”

ហ្វី​លី​ពី​ន​៖ ចំណាប់អារម្មណ៍​របស់​គ្រូបង្វឹក​ក្រុម​ជម្រើសជាតិ​កម្ពុជា Mr. Felix G.Dalmas ក្នុង​សន្និសីទ​សារព័ត៌មានការ​ប្រកួត​កីឡា​ស៊ី​ហ្គេ​ម​លើក​ទី​៣០ នៅ​ប្រទេស​ហ្វី​លី​ពី​នវៀតណាម​អាយុ​ក្រោម​២២​ឆ្នាំ vs កម្ពុជា​អាយុ​ក្រោម​២២​ឆ្នាំ មុន​ការ​ប្រកួត​ថ្ងៃ​ទី​៧ ខែធ្នូ ២០១៩ ម៉ោង ៧:០០ អោយ​ដឹង​ថា “​ការ​ប្រកួត​ថ្ងៃស្អែក គឺជា​ការ​ប្រកួត​ដ៏​សំខាន់​មួយ​ដើម្បី​ឆ្ពោះទៅ​វគ្គ​ចុង​ក្រោយ​។ យើង​ត្រៀមខ្លួន​បាន​ល្អ​ហើយ យើង​តែងតែមាន​សង្ឃឹម និង​ឆន្ទៈ​ចង់​ឈ្នះ​សម្រាប់​ការ​ប្រកួត​ណា​ក៏​ដោយ​”​។

ក្នុង​នោះ​លោ​បាន​បន្ត​ទៀត​ថា “​យើង​ដឹង​ថា​វៀតណាម​បាន​ប្តេជ្ញា​យកឈ្នះ​ការ​ប្រកួត​ថ្ងៃស្អែក ដូច្នេះ​វា​ជា​ឪ​កាស់​ល្អ​មួយ​ដែល​យើង​ត្រូវ​លេង​ជាមួយ​ក្រុម ដែល​មាន​កីឡាករ​មាន​ទេព​កោសល្យ​និង​គ្រូ​ដែល​មានបទពិសោធន៍​”​។ លោក​ក៏​បន្ថែម​ទៀត​ថា “​ក្នុង​កីឡាបាល់ទាត់​គឺ​អ្វី​ៗ​អាច​កើតឡើង​ទាំងអស់​។ មិន​មាន​មនុស្ស​ច្រើន​ទេ​ដែល​ជឿ​ថា​យើង​អាច​ឡើង​មក​ដល់​វគ្គ​នេះ ហើយ​សម្រាប់​ការ​ប្រកួត​ថ្ងៃស្អែក​នេះ​ក៏​ដូច​គ្នា​ដែរ អ្វី​ៗ​ក៏​អាច​ទៅ​រួច​”៕

Advertisement