Connect with us

ព័ត៌មានជាតិ

ឃើញ​មុខមាត់​ស្អាតសង្ហា ស្លៀកពាក់​ឡូយឆាយ ប៉ុន្តែ​ការ​ពិតជា​ចោរឆក់​ទៅ​វិញ

ភ្នំពេញ​៖ កាលពី​ថ្ងៃ​ទី​៦ ខែធ្នូ ឆ្នាំ​២០១៩​ម្សិលមិញ​នេះ សមត្ថកិច្ច ប៉ុស្តិ៍​គោក​ឃ្លាង បាន​ធ្វើឃាត់​ជនសង្ស័យ​ម្នាក់ ដែល​បាន​ធ្វើ សកម្មភាព​ឆក់​កាបូប​លុយ នៅ​ចំណុច​ផ្លូវ​បេតុង បុរី​ស្កា​យ​វី​យូ ភូមិ​រោងចក្រ សង្កាត់​គោក​ឃ្លាង ខណ្ឌ​សែន​សុខ​។ ដោយ​ក្នុង​នោះ ជនសង្ស័យ​មាន​គ្នា ២​នាក់​បាន​ធ្វើ​សកម្មភាព ឆក់​កាបូប​លុយ កាលពី​ថ្ងៃ​ទី​២ ខែធ្នូ ឆ្នាំ​២០១៩ ប៉ុន្តែ​បក្សពួក ជនសង្ស័យ​ម្នាក់​ឈ្មោះ យូ សែ​ប បាន​រត់គេច​ខ្លួន​បាត់​។

នេះ​បើ​តាម​ប្រភព​ពី​សមត្ថកិច្ច​បានអោយ​ដឹង​ថា ជនសង្ស័យ មានឈ្មោះ សំ ហេង ភេទ​ប្រុស អាយុ​១៩ ជនជាតិ​ចិន មុខរបរ​គ្មាន ស្នាក់​នៅផ្ទះ​លេខ​១១IEO ផ្លូវ​បេតុង ភូមិ​ព្រៃ​ព្រីង​ខាងត្បូង សង្កាត់​ចោម​ចៅ​៣ ខណ្ឌ​ពោធិ៍​សែន​ជ័យ​។ ចំណែក​ជន​រង​គ្រោះ​មានឈ្មោះ​មុត សុ​គ​ន្ថា​ច ភេទ​ស្រី អាយុ​៣២​ឆ្នាំ ជនជាតិ​ខ្មែរ មុខរបរ​លក់ដូរ ស្នាក់​នៅផ្ទះ​លេខ​លេខ​២០៣ ផ្លូវ​១០១៩ ភូមិ​រោងចក្រ សង្កាត់​គោក​ឃ្លាង ខណ្ឌ​សែន​សុខ ។

ចំពោះ​សម្ភារៈ​ដែល​បាត់បង់​រួម​មាន ទូរ​សព្ទ័​ដៃ ០២​គ្រឿង (​ម៉ាក​ហ្វូ​ន​០១​គ្រឿង និង​OPPO ០១​គ្រឿង ) និង លុយ ៣០០​ដុល្លា​។ សម្រាប់​មធ្យោបាយ​ធ្វើ​សកម្មភាព គឺ​មាន​ម៉ូតូ ០១​គ្រឿង ម៉ាក​ឃ្យូ​ប៉ិច ពណ៌​ប​ឌ​តង​លាយ​ប្រផេះ ផ​លិ​រ​ឆ្នាំ​២០១៨ ពាក់​ស្លាក​លេខ​ភ្នំពេញ​1HJ-3900៕

Advertisement