Connect with us

ព័ត៌មានជាតិ

ស្នងការដ្ឋាន​នគរបាល​ខេត្តស្ទឹងត្រែង ចេញមកបំភ្លឺរឿង ​មន្ដ្រី​ជលផល និង​គូកន ​យក​កាំភ្លើង​មក​ភ្ជង់គេ ដើម្បីទារលុយ

ស្ទឺ​ង​ត្រែង​៖ ក្រោយ​មានការ​រិះគន់​របស់​គណនី​ហ្វេ​ស​ប៊ុ​ក​ជន​រង​គ្រោះ ដែល​ត្រូវ​បាន​មន្ដ្រី​ជលផល និង​គូកន បាន​យក​កាំភ្លើង​មក ធ្វើការ​ភ្ជង់​នោះ​។

ស្រាប់តែ​នៅ​ថ្ងៃ​ទី​២៥ ខែធ្នូ ឆ្នាំ​២០១៩​នេះ ខាង​ស្នងការដ្ឋាន​នគរបាល​ខេត្តស្ទឹងត្រែង បាន​ចេញ​នៅ​សេចក្តី​បំភ្លឺ​ជុំវិញ​ករណី​នេះ​ថា “​ស្នងការដ្ឋាន​នគរបាល​ខេត្ដស្ទឹងត្រែង បាន​ចេញ​សេចក្តី​បំភ្លឺ​ពត៍​មាន ជូន​សាធារណជន និង​អ្នក​ប្រើប្រាស់​បណ្ដាញ សង្គម ហ្វេ​ស​ប៊ុ​ក ទាំងអស់​មេត្តា​ជ្រាប ជុំវិញ​ករណី​មាន​ជន​ពីរ​នាក់​ប្រើប្រាស់​អា​វុ ធ​គំ​រា ម​កំ​ហែ ង​ទៅ​លើ​ប្រជាពលរដ្ឋ​។ ករណី​នេះ បាន​កើតឡើង​តាំងពី​ថ្ងៃ​ទី​២១ ខែតុលា ឆ្នាំ​២០១៩ មាន​មន្ដ្រី​ជលផល​មួយ​រូប​ឈ្មោះ វង្ស សា​វឿ​ន ភេទ​ប្រុស អាយុ​៤៦​ឆ្នាំ ជនជាតិ​ខ្មែរ មុខ​របប​នាយ​រង​ខណ្ឌ​រដ្ឋបាល​ជលផល​ខេត្ដស្ទឹងត្រែង និង​គូកន​ម្នាក់​ទៀត បាន​ដក​អា​វុ ធ​ខ្លី ១​ដើម បាន​គំ​រា ម​កំហែង​ទៅ​លើ​ជន​រង គ្រោះ​ឈ្មោះ ហុ​ឹ​ម ម៉ា​រី ភេទ​ស្រី អាយុ​២៨​ឆ្នាំ ជនជាតិ​ខ្មែរឥស្លាម មុខ​របប អ្នកនេសាទ​ត្រី​។

ករណី​នេះ​ជន​រង គ្រោះ​ឈ្មោះ ហុ​ឹ​ម ម៉ា​រី ភេទ​ស្រី អាយុ​២៨​ឆ្នាំ ជនជាតិ​ខ្មែរឥស្លាម មិន​បាន​ដាក់​ពាក្យបណ្ដឹង​មក​កាន់​ស្នងការដ្ឋាន​នគរបាល​ខេត្ដស្ទឹងត្រែង​ទេ ដោយ​ជន​រង គ្រោះ​បាន​ដាក់​ពាក្យបណ្ដឹង​ទៅ​កាន់​ព្រះរាជអាជ្ញា​អម​សាលាដំបូង​ខេត្ដស្ទឹងត្រែង ដោយ​ផ្ទាល់​។ បច្ចុប្បន្ន​សំ ណុំ​រឿង​មួយ​នេះ ស្ថិត​នៅ​ក្នុង​ដៃ​ព្រះរាជអាជ្ញា​អម​សាលាដំបូង​ខេត្ដ កំពុង​ចាត់ការ​តាម​និ​តិ​វិធី​។ អាស្រ័យ​ដូច​បាន​ជម្រាប​ជូន​ខាងលើ​នេះ សូម​សាធារណជន និង​អ្នក​ប្រើប្រាស់​បណ្ដាញ​សង្គម ហ្វេ​ស​ប៊ុ​ក​ទាំងអស់ ទទួល​ជ្រាប​ជា​ព័​ត៍​មាន​”៕

Advertisement