Connect with us

ព័ត៌មានអន្តរជាតិ

ស្ត្រីជនជាតិអាមេរិកម្នាក់ បានបាត់បង់ជីវិតក្នុងឧបទ្ទវហេតុធ្លាក់យន្តហោះ ខណៈពេលដែលនាងព្យាយាមដឹកជញ្ជូនឧបករណ៍ធ្វើតេស្ដ Covid-19 ទៅកាន់ភូមិដាច់ស្រយាលមួយ

បរទេស៖ មន្រ្តីជាន់ខ្ពស់បាននិយាយថា អ្នកបើកយន្តហោះជនជាតិអាមេរិកម្នាក់​ បានស្លាប់បាត់បង់ជីវិត នៅពេលដែលយន្តហោះរបស់នាងដំណើរការខុសប្រក្រតី ខណៈពេលដែលនាងកំពុងធ្វើដំណើរដើម្បីបញ្ជូនឧបករណ៍ធ្វើតេស្ដរកវីរុស Covid-19 ទៅកាន់ភូមិឥណ្ឌូនេស៊ី ដាច់ស្រយាលមួយ។ នេះបើយោងតាមការចុះផ្សាយរបស់សារព័ត៌មាន CNN នាថ្ងៃទី១៤ ខែឧសភា ឆ្នាំ២០២០។

យោងតាមក្រសួងកសិកម្មរុក្ខាប្រមាញ់​ និងនេសាទបានឱ្យដឹងថា​ យន្ដហោះនាង Joyce Lin​ ដែលមានវ័យ៤០ឆ្នាំ បានចាកចេញពីអាកាសយានដ្ឋាន​ Sentani​ នៅក្នុងខេត្ត Papua​ ប្រទេសឥណ្ឌូនេស៊ី កាលពីព្រឹកថ្ងៃអង្គារ ទី១៤ ក្នុងគោលបំណងហោះទៅ​Mamit​ ដែលស្ថិតក្នុងតំបន់ខ្ពង់រាប Papua ដើម្បីបញ្ចូនឧបករណ៍ធ្វើតេស្ដទៅគ្លីនិកក្នុងស្រុក។ ប៉ុន្តែក្នុងរយៈពេលប៉ុន្មាននាទីនៃការចាប់ផ្តើមធ្វើដំណើរនាងបានរាយការណ៍ពីភាពអាសន្ន។

ប្រភពព័ត៌មានដដែលបានឲ្យដឹងទៀតថា យន្ដហោះដែលនាងបើកបានធ្លាក់ចូលបឹង Sentani ហើយអ្នកមុជទឹកបានបញ្ជាក់ថានាងមិនបានរស់ទេ។ នាងជាមនុស្សតែម្នាក់គត់នៅលើយន្តហោះ។ ក្រសួងកសិកម្មរុក្ខាប្រមាញ់​ និងនេសាទបាននិយាយថា​ ខ្លួនកំពុងធ្វើការជាមួយអាជ្ញាធរមូលដ្ឋានដើម្បីស៊ើបអង្កេតលើឧប្បត្តិហេតុនេះ។

គួរជម្រាបថា​ នាង Joyce Lin បានធ្វើការនៅប្រទេសឥណ្ឌូនេស៊ី​ អស់រយៈពេលពីរឆ្នាំមកហើយ នាងបានចូលរួមក្នុងក្រសួងកសិកម្មរុក្ខាប្រមាញ់​ និ​ងនេសាទ ជាងមួយទសវត្សរ៍នៃការងារជាអ្នកជំនាញខាងកុំព្យូទ័រ។ នាងជានិស្សិតបញ្ចប់ការសិក្សានៅមហាវិទ្យាល័យបច្ចេកវិទ្យា​ Massachusetts ដែលនាងទទួលបានទាំងបរិញ្ញាបត្រនិងបរិញ្ញាបត្រជាន់ខ្ពស់ មុនពេលចុះឈ្មោះចូលរៀននៅមហាវិទ្យាល័យGordon-Conwell​ ទ្រឹស្តីនិងបញ្ចប់ការសិក្សានៅឆ្នាំ២០១៧ ៕
អត្ថបទ៖ KBN News

Advertisement