ថាបងទៅមិនចេះញញើតអ្នកណាមកដល់ប្អូនស្រី គីម ជុងអ៊ុន ខ្លាំងដៃជាងបងទៀតប្រើអំណាចប្រកាសកម្ទេចកូរ៉េខាងត្បូងគ្រាន់តែរឿងខិតប័ណ្ណបង្ហោះលើប៉េងប៉ោង

បរទេស៖ ​អ្នកស្រី គីម យោ​ជុង ដែលត្រូវជាប្អូនស្រីរបស់់លោក គីម ជុងអ៊ុន មេដឹកនាំផ្ដាច់ការកូរ៉េខាងជើង បានធ្វើការគម្រាមកំហែងដល់ប្រទេសកូរ៉េខាងត្បូង ដែលឈានទៅដល់ការប្រើកម្លាំងទ័ពជាលក្ខណៈទ្រង់ទ្រាយធំ បន្ទាប់ពីកូរ៉េខាងត្បូងបានហាមឃាត់សកម្មជនប្រឆាំងកូរ៉េខាងជើងមិនឲ្យផ្ញើខិតប័ណ្ណដែលដាក់លើប៉េងប៉ោងបង្ហោះទៅកាន់កូរ៉េខាងជើង​ ។ នេះបើយោងតាមការចុះផ្សាយរបស់សារព័ត៌មាន Khaosod ។

កាលពីថ្ងៃទី១៣ ខែមិថុនា ឆ្នាំ២០២០ លោកស្រី គីម យោ​ជុង បានចេញសេចក្តីថ្លែងការណ៍មួយដែលបង្ហាញពីកំហឹងយ៉ាងក្ដៅងំជាមួយប្រទេសកូរ៉េខាងត្បូងដោយអ្នកស្រីបានថ្លែងថា ៖«ក្នុងនាមខ្ញុំជាអនុប្រធានគណៈកម្មាធិការគណបក្សពលករកូរ៉េខាងជើង ការប្រើប្រាស់អំណាចរបស់ខ្ញុំដែលត្រូវបានទទួលស្គាល់ដោយថ្នាក់ដឹកនាំកំពូលៗ និងប្រទេសរបស់យើង ខ្ញុំបានចាត់ឱ្យក្រុមការងារបស់យើងចាត់វិធានការជាជំហានៗ ដើម្បីត្រៀមការប្រយុទ្ធដោយគ្មានការលើកលែងជាដាច់ខាត»​ ។

អ្នកស្រីបានមានប្រសាសន៌ទៀតថា ខ្ញុំជឿជាក់ថាផែនការបន្ទាប់ដែលខ្ញុំនឹងធ្វើដើម្បីឱ្យមន្រ្តីកូរ៉េខាងត្បូង មានការព្រួយបារម្ភ គឺធ្វើសកម្មភាពជាមួយសត្រូវដែលប្រគល់ឱ្យនាយសេនាធិការយោធារបស់យើងធ្វើការសំរេចចិត្តយ៉ាងមុតមាំដើម្បីកាត់បន្ថយការអាក់អន់ចិត្តចំពោះប្រជាជនរបស់យើង ។

គួរជម្រាបថា កាលពីពេលថ្មីៗនេះប្អូន​ស្រី​មេដឹកនាំ​ផ្តាច់ការ​រូប​នេះ​ត្រូវ​បាន​តំឡើង​តំណែង​ជា​សមាជិកម្នាក់​នៅ​ក្នុង​ការិយាល័យ​នយោបាយ​ (Politburo) នៃ​គណៈកម្មាធិការ​មជ្ឈិម​បក្ស​កុម្មុយនិស្តដ៏​មាន​អំណាច​របស់​គណបក្សពលករគ្រប់គ្រង​ប្រទេស​របស់កូរ៉េ​ខាង​ជើង​ ដើម្បី​បន្ត​តំឡើង​តំណែង​របស់​អ្នកស្រី​នៅ​ក្នុង​ជួរ​ថ្នាក់​ដឹកនាំ​ប្រទេស ៕