Connect with us

ព័ត៌មានជាតិ

នាង​កំពុង​ងូតទឹក​ក្នុង​បន្ទប់ទឹក​ឃើញ​ឱកាសល្អ​ទាញ​ទូរស័ព្ទ​លួច​ថត​តាម​ប្រហោង​ដំបូល​នាង​ងាក​ឃើញ​ស្រាប់តែ​ផ្អើល​ឆោឡោ

ខេត្តកណ្តាល ៖ យុវជន​ជាង​ឡាន​ល្មោភកាម​ម្នាក់​ត្រូវ​បានក​ន្លាំ​ង​នគរបាល​ស្រុក​ស្អាត​ធ្វើការ​ឃាត់ខ្លួន​ក្រោយ​ពី​យុវជន​រូប​នេះ​លួច​ថត​នារី​ម្នាក់​ដែល​កំពុង​ងូតទឹក​តាម​ប្រហោង​ដំបូល​ស័ង្កសី​ដែល​ធ្លុះធ្លាយ ។ ហេតុការណ៍​នេះ​ដែរ​បាន​កើតឡើង​កាលពី​វេលា​ម៉ោង​០៦ និង​៣០​នាទី​ល្ងាច ថ្ងៃ​ទី​១៤ ខែមិថុនា ឆ្នាំ​២០២០ នៅ​ចំណុច​បន្ទប់ទឹក​ជន​រង​គ្រោះ ស្ថិត​នៅ​ក្នុងភូមិ​ក្បាលជ្រោយ ឃុំ​ព្រែក​គយ ស្រុក​ស្អាង ។

ជនសង្ស័យ​មានឈ្មោះ អេ​ន ធា​រ៉ា ភេទ​ប្រុស អាយុ​២៦​ឆ្នាំ ជនជាតិ​ខ្មែរ មុខរបរ​ជាង​ឡាន ទីលំនៅ​ស្នាក់​នៅ​ភូមិ​ក្បាលជ្រោយ ឃុំ​ព្រែក​គយ ស្រុក​ស្អាង ខេត្តកណ្តាល ។ ចំណែកឯ​នារី​ជា​ជន​រង​គ្រោះ​ឈ្មោះ ប​.​ស​.​ធ​.​រ ភេទ​ស្រី អាយុ​១៤​ឆ្នាំ ជនជាតិ​ខ្មែរ មុខរបរ​សិស្ស មាន​ទីលំនៅ​ស្រុក​ស្អាង ខេត្តកណ្តាល ។

តាម​ប្រភព​ស្នងការដ្ឋាន​នគរបាល​ខេត្តកណ្តាល​បាន​ឲ្យ​ដឹង​ថា នៅ​វេលា​កើតហេតុ​ខាងលើ​ពេល​ដែល​ជន​រង​គ្រោះ​កំពុង​តែ​ងូតទឹក​នៅ​ក្នុង​បន្ទប់ទឹក​របស់​ខ្លួន ពេល​នោះ​ស្រាប់តែ​ជនសង្ស័យ​ដែល​ស្នាក់​នៅ​យានដ្ឋាន​ជួសជុល​រថយន្ត​ដែល​នៅ​ក្បែរ​គ្នា​បាន​យក​ទូរស័ព្ទ​លួច​ថតរូប និង​វី​ដេ​អូ តាម​ប្រហោង​ដំបូល​ស័ង្កសី​ធ្លុះធ្លាយ ហើយ​ពេល​នោះ​ដែរ​ត្រូវ​បាន​ជន​រង​គ្រោះ​ឃើញ​ក៏​ស្រែក​ឆោឡោ​ឡើង បង្ក​ការ​ភ្ញាក់ផ្អើល​ដល់​ក្រុម​គ្រួសារ ។ បន្ទាប់​មក​ម្ដាយ​របស់​ជន​រង​គ្រោះ​បាន​មក​សួរ​រក​ទូរស័ព្ទ​ពី​ជនសង្ស័យ តែ​រូបគេ​មិន​ព្រម​ប្រគល់​ឲ្យ​ទើប​ម្ដាយ​ជន​រង​គ្រោះ​បាន​រាយការណ៍​ទៅ​កាន់​សមត្ថកិច្ច​ប៉ុស្ដិ៍​នគរបាល​ព្រែក​គយ​តែ​ម្តង ។

តាម​ប្រភព​បាន​ឲ្យ​ដឹង​ទៀត​ថា បន្ទាប់​ពី​ទទួល​បាន​ព័ត៌មាន​ភ្លាម​កម្លាំង​ប៉ុស្ដិ៍​នគរបាល​ព្រែក​គយ​បាន​ទៅ​ដល់​ធ្វើការ​សាកសួរ ហើយ​បាន​ដកហូត​ទូរស័ព្ទ​ពី​ជនសង្ស័យ រួច​ពិនិត្យ​ឃើញ​មាន​រូបភាព និង​វី​ដេ​អូ​អាក្រាត​កាយ​របស់​ជន​រង​គ្រោះ​ពិតប្រាកដ​មែន ក៏​បាន​បញ្ជូន​ជនសង្ស័យ​ព្រមទាំង​វត្ថុ​តាង ទូរស័ព្ទ​ដៃ​០១​គ្រឿង​ម៉ាក iPhone X ពណ៌​ស ទៅ​កាន់​អធិការដ្ឋាន​នគរបាល​ស្រុក​ស្អាង​ដើម្បី​ចាត់ការ​បន្ត​តាម​នីតិវិធី ៕

Advertisement