វ៉ាវពិតជាមិនធម្មតា ! ប្រឡូកសិល្បៈ១១ឆ្នាំ Lee Minho មានទ្រព្យសម្បត្តិសរុបដល់ទៅ…

បរទេស៖​​ តារាសម្តែងប្រុសប្រចាំប្រទេសកូរ៉េខាងត្បូង លោក លី មីនហូ (Lee Min-Ho)  គឺជាតារាប្រុសដែលមានកេរ្តិ៍ឈ្មោះល្បីល្បាញខ្លាំងនៅក្នុងពិភពការសម្តែងទាំងក្នុងប្រទេស ​និងក្រៅប្រទេស ​ចំណែកឯប្រទេសកម្ពុជាយើងក៏មានអ្នកស្រលាញ់គាំទ្រមិនតិចដែរចំពោះតារាសម្តែងម្នាក់នេះ។

ការដែលមានកេរ្តិ៍ឈ្មោះល្បីល្បាញរបស់លោក  លី មីនហូ ​គឺមិនត្រឹមតែសមត្ថភាពសម្តែងដ៏ពិសេសអស្ចារ្យរបស់លកនោះទេ តែសម្រស់របស់តារាសម្តែងប្រុសវ័យ ​៣១ ​ឆ្នាំនេះក៏សង្ហាមិនធម្មតាដែរ ​ដែលអាចនិយាយបានថាឃើញត្រឹមតែស្នាមញញឹម ​បាក់ស្រិបតែម្តង។ ជាមួយគ្នានេះដែរ កំពូលតារាសម្ដែងប្រុសកូរ៉េដ៏ល្បីម្នាក់នេះ នៅតែបន្តទទួលបាន ការគាំទ្រពីសមត្ថភាព ទេពកោសល្យក្នុងវិស័យសិល្បៈរបស់លោក។ ក្នុងនោះ គេបានដឹងថា Lee Minho អាចរកប្រាក់ចំណូលបានដល់ទៅ ៦២,០០០ដុល្លារ រាល់ការសម្ដែងរឿងក្នុងមួយភាគ។

បច្ចុប្បន្នយោងតាមការចុះផ្សាយពីសារព័ត៌មាន tecake បានឲ្យដឹងថា ទ្រព្យសម្បត្តិផ្ទាល់ខ្លួនរបស់ Lee Minho គឺមានដល់ទៅ ១០លានដុល្លារសហរដ្ឋអាមេរិច។​ បន្ថែមពីនោះ  ក្នុងរឿង ​The King  នេះដែរ ​តាមរយៈប្រភពព័ត៌មានបែកធ្លាយពីក្រៅប្រទេសបានឱ្យដឹងថា ​តារាប្រុស លី ​មីនហូ ​ដែលដើរតួជាតួឯកនេះ ​មានតម្លៃខ្លួនដល់ទៅ ​៧ម៉ឺនដុល្លារនៅក្នុងមួយភាគ ​ហើយបើសរុបមួយចប់សាច់រឿង (១៦ភាគ) លោកទទួលបានដល់ទៅជាង ​១លានដុល្លារឯណោះ ពិតជាតម្លៃខ្លួនមិនធម្មតានោះទេ ៕