Connect with us

ព័ត៌មានកីឡា

Neymar ត្រូវខ្សែការពារក្រុម Marseille​ ហៅខ្លួនថា”សម្រាម”

កីឡាករ Alvaro Gonazales បានប៉ះពាក្យសម្តីជាមួយកីឡាករតម្លៃខ្លួនថ្លៃលើលោក Neymar ជាលើកទីពីរ៕ កាល​ពី​ខែ​ កញ្ញា ឆ្នាំ​មុន នៅពេល​ដែលក្រុម Marseille ឈ្នះ PSG ១-០  នៅ​ពេល​នោះ Neymar ទទួលបានកាតក្រហម បន្ទាប់ពី​ទះ​ក្បាល​កីឡាករ Gonzales៕

បន្ទាប់​ពី​ចប់​ការ​ប្រកួត Neymar បាន​បង្ហោះសារក្នុងបណ្តាញសង្គម (Twitter) ​ថា៖ “រូបគេគួរតែដាល់អោយចំកណ្តាលមុខ Gonzales នៅពេលនោះ ”។ ភ្លាម​ៗនោះ Gonzales ក៏​បាន​តប​វិញថា”​ឲ្យ​កីឡាករ​សញ្ជាតិ​ប្រេស៊ីល​ចេះ​ទទួល​យក​ការ​ចាញ់របស់ខ្លួន”៕ ដោយឡែកកាលពីយប់មិញ ពួកគេបានជួបគ្នាជាលើកទីពីរ ដោយលើកនេះក្រុមលោក Mauricio Pochettino បានបំបាក់ក្រុម Marseille ២-១ ដោយបានលើកពាន Trophee des Champions៕ នេះក៏ជាពានលើកទីមួយក្នុងអាជីពជាគ្រូបង្វឹករបស់លោកផងដែរ៕

កីឡាករសញ្ជាតិប្រេសុីលវ័យ ២៨ឆ្នាំនេះបង្ហោះសារក្នុងបណ្តាញសង្គម(Twitter) ថា” Alvaro អ្នកជាស្តេច”?  មិនចាំយូរបន្ទាប់ពីឃើញបែបនេះ Gonzales បានតបវិញថា”ម្ដាយ​ឪពុក​របស់​ខ្ញុំ​តែងតែ​បង្រៀន​ខ្ញុំ​ថា​កុំអោយ​ខ្វល់​អំពី​សំរាម​”៕

 

ប្រភព:Goal

Advertisement