អធិរាជស Real Madrid សម្លឹងឃើញកីឡាករតោខៀវ Chelsea

ខ្សែប្រយុទ្ធ Oliver Giroud ត្រូវបានក្លឹប Real Madrid ចាប់អារម្មណ៍ក្នុងការមកជំនួសកីឡាករ Luka Jovic៕ កាលពីពេលថ្មីៗនេះ លោក Zidane បានអនុញ្ញាតអោយកីឡាករករវ័យ ២៣ឆ្នាំ Jovic ត្រឡប់ទៅក្លឹបចាស់របស់ខ្លួនវិញក្នុងលក្ខខណ្ឌខ្ចីជើង៕ យោងទៅតាមសារព័ត៌មាន Defensa Central បានអោយដឹងថា​ Giroud នឹងចាកចេញពី Chelsea នៅបញ្ចប់រដូវកាលនេះ ដោយកុងត្រារបស់រូបគេនឹងអស់ពេលត្រឹមខែ មិថុនានេះ៕ ភ្នាក់ងាររបស់ Giroud បាននិយាយថា ក្លឹបរបស់លោក Lampard ទំនងជាមិនបន្តកុងត្រាអោយកីឡាករសញ្ជាតិបារាំងនោះទេ ដូច្នេះរូបគេប្រហែលជាដល់ពេលចាកចេញពីកីឡាដ្ឋាន​ Stamford Bridge ហើយ៕ Real Madrid ជាក្លឹបមួយក្នងចំណោមក្លឹបជាច្រើនទៀតដែលចង់បានរូបគេទៅចូលរួម៕

ប្រភព: Sportsmole